Notaðu Vildarpunkta

Með Punktum og peningum getur þú notað Vildarpunkta sem greiðslu fyrir flug til allra áfangastaða Icelandair, ýmist að fullu eða að hluta með því að blanda saman punktum og annarri greiðsluleið. Þú safnar punktum fyrir ferðina, þó að ferðin sé greidd að fullu með punktum. Njóttu Vildarpunktanna þinna og láttu drauminn um ferðalagið út í heim rætast!

Punktar og peningar:

• Gerir þér kleift að nota Vildarpunkta sem greiðsluvalmöguleika
• Þú notar þá upphæð punkta sem þú vilt
• Þú getur greitt fyrir allt fargjaldið með punktum, einnig skatta og gjöld
• Þú safnar Vildarpunktum þegar þú notar punkta
• Þú getur valið hvaða flug og sæti sem er, hvenær sem er

Bóka núna

Nú eru Punktar og peningar í boði hjá Air Iceland Connect.
Saga Club félagar geta nú greitt með Punktum og peningum í nýrri bókunarvél hjá Air Iceland Connect fyrir öll flugfargjöld innanlands og til Grænlands í stað sérstakra Vildarfargjalda sem voru í boði áður. 

Með Punktum og peningum geta félagar nýtt sér Vildarpunkta sem greiðslu fyrir öll almenn fargjöld á vef Air Iceland Connect. Félagar geta greitt fyrir fargjald, eldsneyti, skatta og gjöld til allra áfangastaða Air Iceland Connect, ýmist að fullu eða að hluta til með því að blanda saman Vildarpunktum og annarri greiðsluleið. Félagar safna einnig Vildarpunktum þegar bókað er með punktum, hér eru frekar upplýsingar um söfnun Vildarpunkta og Kortastiga fyrir bókanir hjá Air Iceland Connect. 

Þetta er svona einfalt: 

1. Þú velur áfangastað og dagsetningu í bókunarvél Air Iceland Connect
2. Þú velur flugfargjald
3. Skráir þig inn hægra megin á síðunni undir "Ferðin þín" með Saga Club númer og lykilorði
4. Velur þá punktaupphæð sem þú vilt nota hvort sem er með punktastikunni eða með því að skrifa í dálkinn

Bóka núna

Athugið að ekki er í boði að bóka börn í gegnum vefinn sem ferðast ein og því ekki hægt að bjóða upp á greiðslu með Vildarpunktum þegar það á við. 

Hér eru upplýsingar um Vildarfargjöld sem var hægt að bóka hjá Air Iceland Connect til 4. janúar 2019. 

Þegar þú ert um borð í vélum Icelandair þá getur þú greitt með Vildarpunktum fyrir vörur eða mat. Þú velur þér mat eða drykk af matseðli og flettir í gegnum glæsilegt úrvalið í Saga Shop Collection og greiðir með Vildarpunktunum þínum.

Fjögur einföld skref til að kaupa fyrir Vildarpunkta um borð: 

1. Þú lætur áhafnarmeðlim vita að þú viljir greiða með Vildarpunktum.
2. Þú framvísar Sagakorti og kreditkorti eða debetkorti. Sami eigandi verður að vera að báðum kortum.
3. Þú berð ábyrgð á að eiga næga Vildarpunkta fyrir kaupunum.
4. Ekki er hægt að bakfæra greiðslu/breyta um greiðslumáta eftir að flugi er lokið.

Hér getur þú lesið nánar um Skilmála Icelandair Saga Club 

Saga Club félagar geta bókað hótelgistingu með Vildarpunktum hvar sem er í heiminum í gegnum hótelleit Icelandair sem er í boði Voyage. 

Bókaðu með Vildarpunktum og safnaðu um leið: 

1. Leitaðu að hóteli á hvaða áfangastaði sem er
2. Kláraðu að velja herbergi og fylla inn upplýsingar um gesti
3. Á greiðslusíðunni skráir þú þig inn með Saga Club auðkennum og velur þann punktafjölda sem þú vilt greiða með
4. Þú safnar svo Vildarpunktum fyrir þann hluta sem þú greiðir með kreditkort, það er að segja ef greiðslan er ekki í heild sinni með punktum. 

Bóka gistingu

Ef breyta þarf bókun eða spurningar koma upp, vinsamlegast hafið samband við Voyage. 

Saga Club félagar geta bóka bílaleigubílinn með Vildarpunktum hvar sem er í heimum í gegnum bílaleiguleit Icelandair sem er í boði Voyage. Bílaleiguleitin bíður upp á bílaleigur á öllum áfangastöðum Icelandair, sem og í flestum borgum um heim allan.

Bókaðu með Vildarpunktum og safnaðu um leið:

1. Leitaðu að bílaleigu á hvaða áfangastaði sem er
2. Kláraðu að velja bílaleigubíl og fylla inn upplýsingar um ökumann
3. Á greiðslusíðunni skráir þú þig inn með Saga Club auðkennum og velur þann punktafjölda sem þú vilt greiða með. 
4. Þú safnar svo Vildarpunktum fyrir þann hluta sem þú greiðir með kreditkort, það er að segja ef greiðslan er ekki í heild sinni með punktum.

Bóka bílaleigubíl

Ef breyta þarf bókun eða spurningar koma upp, vinsamlegast hafið samband við Voyage.

Saga Club félagar geta notað Vildarpunkta til að uppfæra sæti og þjónustu frá Economy Flex yfir á Saga Premium. Vinsamlegast athugið að skilmálar fargjaldsins sem greitt var fyrir og punktasöfnun breytast ekki.

Eingöngu er hægt að uppfæra farseðla, sem eru Icelandair farseðlar og með númeri sem byrjar á 108. 

Svona uppfærir þú fyrir Vildarpunkta

1. Bókaðu Economy Flex fargjald.
2. Passaðu að þú eigir næga Vildarpunkta fyrir uppfærslunni.
3. Hafðu samband við Þjónustuver Icelandair og bókaðu uppfærslu fyrir Vildarpunkta. 

Það sem þú þarft að vita:

• Ekki er hægt að uppfæra Vildarmiða fyrir Vildarpunkta
• Vildarpunktar fást ekki endurgreiddir eftir að þeir hafa verið teknir út af Saga Club reikningi.
• Barnaafsláttur er ekki veittur af uppfærslu milli farrýma.
• Þjónustugjald er 3.600 krónur á farþega.

Meira rými getur skipt sköpum og þess vegna er til boða að nota Vildarpunkta til að kaupa sæti með Meira fótarými.

Það einasta sem þarf að athuga er hvort þú hefur nægilega Vildarpunkta inni á Saga Club reikningnum þínum.

Sæti með Meira fótarými fyrir Vildarpunkta. 

Að nota Vildarpunkta er einfalt

1. Láttu áhöfn vita að þú vilt nota Vildarpunkta.
2. Láttu áhöfn Sagakort og kreditkort þitt (skyldi punktainnstæða ekki vera nægileg) í té. 

Vinsamlegast hafa í huga að félagar fá ekki Vildarpunkta þegar greitt er með Vildarpunktum fyrir sæti með Meira fótarými. Ekki hægt er að kaupa sæti með Vildarpunktum fyrir flug.

Frábær viðbót við fríðindi Saga Club eru Saga Club gjafabréfin. Þú getur keypt gjafabréf fyrir Vildarpunkta og gefið vinum og vandamönnum gjafabréfið eða nýtt það til dæmis upp í pakkaferðir með Icelandair. 
Punktagjafabréfin er hægt að kaupa fyrir punkta inn á Saga Club reikningnum þínum, hægt er að skrá sig inn hér í hægra horninu á síðunni. 

Eitt mikilvægasta framlag viðskiptavina Icelandair til Vildarbarna eru Vildarpunktar. Vildarpunktar sem viðskiptavinir gefa eru notaðir til þess að greiða flugfarseðla fyrir börnin og fjölskyldur þeirra.

Saga Club félagar geta gefið ótakmarkaða upphæð í formi Vildarpunkta í Vildarbarnasjóð Icelandair. Þannig gefa þeir langveikum börnum og börnum sem búa við sérstakar aðstæður tækifæri á að komast í draumaferðalagið sitt. 

Vilt þú láta gott af þér leiða?

Sjóðurinn er fjármagnaður með stofnframlagi Icelandair, framlögum frá Saga Club félögum og afgangsmynt frá farþegum Icelandair. Úthlutað er úr sjóðnum tvisvar á ári, sumardaginn fyrsta og fyrsta vetrardag. Til að sækja um styrk frá Vildarbörnum skal fylla út umsókn á vefnum.

Í hverjum styrk frá sjóðnum felst skemmtiferð fyrir barnið og fjölskyldu þess, og er allur kostnaður greiddur - flug, gisting, dagpeningar og aðgangseyrir að sérstökum viðburði sem barnið óskar sér. Við síðustu úthlutanir hafa margar fjölskyldur valið að fara til Flórída og heimsækja Disneyland.
Allar nánari upplýsingar er hægt að nálgast á www.vildarborn.is.

Ég vil gefa framlag

Félagar í Saga Club geta gefið ótakmarkaða upphæð Vildarpunkta til Vildarbarna á hverju ári. Til að gefa Vildarpunkta á vefnum þurfa félagar að skrá sig inn á Saga Club reikninginn sinn, með notendanafni og lykilorði og smella á gefa framlag til Vildarbarna.

Gefa Vildarpunkta

Saga Club félagar geta keypt, gefið eða millifært Vildarpunkta í gegnum Saga Club reikninginn sinn.

• Þjónustugjald er lagt á allar færslur.
• Engin takmörk eru á fjölda færsla.
• Athugið að það getur tekið allt að 24 klukkustundir þar til Vildarpunktar birtast inni á reikningi móttakanda.

Kaupa Vildarpunkta fyrir sjálfan mig

Hver félagi getur keypt allt að 150.000 Vildarpunkta á ári hverju. Ekki er hægt að kaupa fleiri en 100.000 Vildarpunkta í einu. Ef þig vantar ákveðinn fjölda Vildarpunkta inn á reikninginn þinn, til dæmis fyrir bílaleigubíl eða hótelgistingu, þá er þetta rétta leiðin fyrir þig. 

Kaupa Vildarpunkta til að gefa öðrum

Ert þú að leita að gjöf fyrir vin eða ættingja? Hver félagi getur keypt allt að 150.000 Vildarpunkta á ári hverju. Ekki er hægt að kaupa fleiri en 100.000 Vildarpunkta í einu. Vildarpunktagjöf er kjörin fyrir ferðalanginn í fjölskyldunni þinni.

Deildu Vildarpunktunum þínum með fjölskyldu og vinum

Hægt að deila Vildarpunktum með fjölskyldu og vinum! Félagar í Saga Club geta millifært af reikningi sínum yfir á reikning annars Saga Club félaga. 

Nýttu Vildarpunktana þína á Points.com

Á vefsíðunni Points.com geturðu notað Vildarpunktana þína í gjafabréf frá fyrirtækjum á borð við Amazon. Þar geturðu líka millifært punkta sem þú hefur unnið þér inn hjá öðrum flugfélögum inn á Saga Club reikninginn þinn.

Icelandair Saga Club félagar geta notað Vildarpunktana sína í Vildarferðir með Alaska Airlines. Félagar í Alaska Mileage Plan geta einnig notað mílurnar sínar til þess að bóka flug með Icelandair. þær ferðir eru bókaðar hjá Alaska Airlines.

Til þess að bóka ferð fyrir Vildarpunkta með Alaska Airlines hringja Saga Club félagar inn í Þjónustuver Icelandair í síma 50 50 100.

• Fjöldi Vildarpunkta miðast við hvern hluta flugleiðar, t.d. ef flug er bókað ORD-PDX-OGG á almennu farrými reiknast fyrst flugleiðin ORD-PDX sem kostar 30.000 Vildarpunkta og síðan PDX-OGG sem kostar 60.000 Vildarpunkta sem gerir þá samtals 90.000 Vildarpunkta. Miðast punktafjöldi við að flogið sé fram og til baka.
• First Class er Business Class hjá Alaska Airlines
• Korthafar greiða flugvallaskatta
• Enginn barnaafsláttur
• Börn á aldrinum 0-2 ára sem sitja í fangi fylgdarmanns greiða enga Vildarpunkta
• Bóka má aðra leið eða báðar leiðir
• Hægt að bóka Economy aðra leiðina og First Class hina leiðina eða sama klassa báðar leiðir
• Ekkert breytingagjald er á First class miða en er 10.000 kr eða 12.000 Vildarpunktar á Economy miða
• Ef Vildarferð er afbókuð endurgreiðast Vildarpunktarnir að fullu á First class miða. Á Economy miða er engin endurgreiðsla á Vildarpunktum.

Saga Club félagar geta notað Vildarpunkta hjá VITA til þess að greiða niður valdar ferðir í leiguflugi þar sem flogið er með Icelandair. Hægt er að nota 15.000 Vildarpunkta upp í ferð sem jafngildir 10.000 kr. greiðslu inn á ferðina. Notkunin gildir einu sinni fyrir hvern viðskiptavin í bókun.

Bóka ferð

Icelandair Saga Club er í samstarfi við fyrirtækið Points.com sem býður upp á fullt af frábærum leiðum til þess að nýta Vildarpunkta. 
Það eina sem Saga Club félagar þurfa að gera er að skrá sig sem félaga inni á síðum Points.com og þá opnast heill heimur af punktamöguleikum.

Skráning á Points.com

1. Félagar byrja á því að skrá sig á heimasíðu Points.com. Það skiptir ekki máli hvort notaðir eru íslenskir stafir í nafni eða ekki en nafn félaga þarf að vera skráð eins á síðum Icelandair og á síðum Points.com.
2. Eftir að félagar hafa lokið við að skrá sig hjá Points.com þurfa þeir að tengja Saga Club reikninginn sinn við Points.com reikninginn og það er gert með því að skrá Sagakortsnúmer ásamt lykilorði sem er notað inn á síður Icelandair. Allar nánari leiðbeiningar er að finna inn á heimasíðu Points.com.

Hægt er kaupa Gjafabréf á Points.com fyrir að hámarki 280.000 Vildarpunkta á ári og takmarkast hver kaup við 70.000 Vildarpunkta. 
Athugið að með notkun á þjónustu hjá Points.com samþykkir notandi þær reglur og skilmála sem Points.com setur.

Korthafar Mastercard World Elite gátu áunnið sér réttindi á Vinamiða uppfylli hann skilyrði bankans um veltu og greiðslu árgjalds til 31. janúar 2019, sem sagt fyrir veltu 2018. Uppfylli korthafi skilyrðin fær hann Vinamiða sem hann getur nýtt næst þegar hann kaupir sér Vildarferð með Icelandair.   

Vinamiði gefur korthafa rétt á að bjóða ferðafélaga með sér þegar hann kaupir sér sjálfur vildarmiða, eins lengi og þeir ferðast saman að minnsta kosti aðra leið. Félaginn greiðir þá aðeins skatta og gjöld. Vinamiði er Vildarfargjald.

Þegar meðlimur kaupir sér Vildarmiða á hann rétt á samskonar miða fyrir ferðafélaga í sama flug. Korthafinn getur leyft hverjum sem er að nýta Vinamiðann en verður sjálfur að vera að ferðast á Vildarmiða.

Viljir þú breyta Vinamiðanum þínum í 50.000 Vildarpunkta þá getur þú gert það hér, ef að þú hefur fengið Vinamiða eftir 1. febrúar 2019. 

Það sem þú þarft að vita

• Skilyrðin: Mastercard World Elite korthafar sem uppfylla veltuviðmið upp á 3.9 milljónir af innlendri veltu og 1.2 milljónir af erlendri veltu auk þess að greiða fullt árgjald á árinu fá vinamiða að gjöf frá Arion banka í byrjun árs. Söfnunartímabil: Veltuviðmiðum þarf að ná á 12 mánaða tímabili og á hverju ári fyrir sig, samkvæmt skilyrðum Arion banka hverju sinni. Aðeins er heimilt að fá einn Vinamiða á hverju 12 mánaða tímabili.
• Gildistímabil: Réttindi á Vinamiða gilda í eitt ár frá upphaflegum útgáfudegi. Bóka verður ferð áður en réttindi á Vinamiða renna úr gildi. Vildarmiðar og Vinamiðar gilda í eitt ár frá upphaflegum ferðadegi og fást útrunnir farmiðar ekki endurnýjaðir
• Farrými: Bæði korthafi og ferðafélagi fljúga á Economy Class. Fargjald Vinamiða er ávallt það sama og á Vildarmiðanum.
• Dvalartími: Dvelja þarf aðfaranótt sunnudags, annars engin lágmarksdvöl. Hámarksdvöl er 1 ár.
• Lokað kort: Korthafi á ekki rétt á Vinamiða ef korthafi er með lokað kort vegna skuldar, ógildingar korts, lokunar vegna ábyrgðarmanns, ef kort hefur verið upptækt eða afskrifað, ef kort er í löginnheimtu, ef korthafi er látinn, ef korti er skilað inn tímabundið og ef kort er í geymslu að ósk útgefanda
• Fjöldi Vinamiða: Korthafi sem á fleiri en einn Vinamiða getur eingöngu nýtt einn Vinamiða með hverri Vildarferð sem hann bókar. Alltaf verður að bóka eina Vildarferð sem korthafi er sjálfur að ferðast með í á móti einum Vinamiða.
• Tilboð: Farseðill gildir í ákveðinn tíma sem er auglýstur sérstaklega með hverju tilboði.
• Sölu- og erfðamál: Óheimilt er að selja Vildarferðir. Icelandair áskilur sér rétt til að gera Vildarferð upptæka komi í ljós að hún hafi verið misnotuð. Vildarferðir veita hvorki Vildarpunkta né Fríðindastig. Vinamiðar erfast til aukakorthafa ef aukakorthafi er lögerfingi aðalkorthafans. Gildistími og skilmálar Vinamiðans haldast þá óbreyttir.
• Kaup á Vildarpunktum: Til að kaupa Vildarpunkta þurfa félagar að skrá sig inn með aðgangsorði og lykilorði. Vinsamlegast athugið að það geta liðið allt að 24 tímar þangað til punktarnir birtast á Vildarreikningi viðkomandi. Þjónustugjald er innheimt fyrir hverja færslu.
• Breytingar og forföll: 
• Breytingar á Vinamiða og Vildarmiða ef báðir eru að ferðast saman: Báðir miðar borga breytingargjald og skattamismun ef við á. Aðalkorthafi þarf einnig að greiða punktamismun og skattamismun ef við á fyrir Vildarmiðann. Vinamiði greiðir ekki þjónustugjald.
• Breytingar á Vinamiða og Vildarmiða eftir að ferð hefst: Vildarmiði og Vinamiði verða að ferðast saman, aðra leiðina. Ef að breyta á Vinamiða eftir að ferð hefst þarf Vinamiði að greiða breytingargjald og skattamismun. Ef sama fargjald er ekki til þarf að greiða punktamismun upp á hærra fargjald sem tekin er út af aðalkorthafa. Þjónustuver Icelandair s: 5050100 gefur nánari upplýsingar.
• Farþegum býðst að kaupa forfallagjald um leið og ferð er bókuð. Farþegum er ráðlagt að kynna sér skilmála forfallagjalds. Ef forfallagjald er keypt á Vinamiða og upp koma veikindi sem leiða til þess að afbóka þarf ferð gildir eftirfarandi fyrir Vinamiðann: Vinamiðinn er bakfærður og heldur sínum upphaflega gildistíma. Ef gildistími Vinamiðans er útrunninn endurnýjast miðinn og framlengist um 2 mánuði miðað við dagsetningu afbókunar. 
• Bókanir og gjöld:
• Bóka þarf Vildar- og Vinamiða hjá Þjónustuveri Icelandair í síma 5050 100. Greiða þarf þjónustugjald að upphæð 3.600 kr fyrir bókun á Vildarmiða en ekkert þjónustugjald er tekið fyrir Vinamiðann. Korthafi greiðir skatta og aðrar greiðslur sem eru ekki innifaldar í sjálfu fargjaldinu.
• Bóka þarf báðar leiðir. Nota verður farmiðann í réttri röð. Ef flug er ekki nýtt er öll bókunin afturkölluð. Skattar og aðrar greiðslur af ónotuðum Vildarmiðum fást endurgreiddir. Vildarpunktar eru ekki endurgreiddir.
• Afgreiðsla Vildarbókunar: Vildarbókun fer í sjálfvirka úrvinnslu og tölvupóstur með e-miða er sendur á netfangið sem gefið var upp við bókun. Ef ekki fæst heimild fyrir punktum á Vildarkorti eða greiðslu skatta á greiðslukorti er tölvupóstur sendur þar sem tilkynnt er um af hverju bókunin gekk ekki í gegn og hún felld niður.

Algengar spurningar

• Hvað gerist ef ég nýti ekki Vinamiðann minn innan árs? Vinamiðinn rennur út eftir ár og ekki er hægt að bóka ferð eftir þann tíma. 
• Get ég gefið Vinamiðann minn? Nei, Vinamiðaréttindi eru tengd korthafa. Korthafi verður að kaupa Vildarmiða til að eiga rétt á Vinamiða og ferðast sjálfur á aðalmiðanum. Vinamiðann er hægt að nota fyrir hvern sem er.
• Þarf ég að bóka með einhverjum ákveðnum fyrirvara? Við mælum allaf með að bóka Vildarferðir með fyrirvara þar sem framboð á Vildarsætum er háð framboði á vélunum okkar.
• Hvað ef ég er nú þegar búin að bóka Vildarmiða get ég bætt Vinamiðanum við eftir á? Já, það er hægt svo lengi sem það séu ennþá Vildarsæti í boði á samskonar fargjaldi og Vildarmiðinn var keyptur á. Athugið að Vinamiði er með sama gildistíma og aðalfargjaldið. 
• Get ég notað Vildarpunkta einhvers annars til að bóka aðalfargjaldið? Nei, við bendum fólki hins vegar á millifærslu og kaup á Vildarpunktum.
• Hvað ef ég á ekki nóg af Vildarpunktum? Til að eiga rétt á Vinamiða þá verður aðalfargjaldið að vera bókað með Vildarpunktum. Við bendum félögum okkar á kaup og millifærslu á Vildarpunktum.
• Get ég keypt venjulegt fargjald og fengið Vinamiða með því? Nei, þú verður að kaupa Vildarmiða.
• Þarf Vinamiðinn að vera Vildarmiði? Já, til að geta nýtt Vinamiðann þarftu að bóka flugfargjald fyrir Vildarpunkta og færð þá samskonar miða fyrir vin þinn.
• Er hægt að nota Vinamiða með Vildartilboðum? Já, en þá gilda skilmálar tilboðsferða fyrir Vinamiðann. 
• Eru flugvallarskattar og aðrar greiðslur innifaldar í Vinamiðanum? Hluti af eldsneytisgjaldi er nú inn í Vildarpunktaverði og hluti af eldsneytisgjaldi og skattar eru fyrir utan Vildarpunktaverð. Sömu reglur gilda um greiðslur á sköttum og öðrum gjöldum eins og á miðanum sem keyptur er.